या पानाचे मुद्रितशोधन झालेले आहे
साता जल्माचं दळण
| एका मांडीन दळते हात लावा शेजी बाई |
साता जल्मांचं दळण तवा संपेल गिऱ्हाण... |
| सीतामाईच्या रामानं घरीदारीच्या रामानं |
धडा घालुनिया दिला तंतोतंत गिरविला... |
| फाटलेल्या पदरांनी टाकलेल्या सीताईंची |
कसे झाकू लवकुश ? हरविली भुईकुस... |
| सोनियाच्या भावलीला हाडामासाची बाईल |
राम तुम्ही दिला मान तिचं तुडविलं मन... |
| तवा पासुनी संपेना शेजीबाई आता पाहू |
साता जल्मांचं दळण नव्या रामाच सपन... |
| ● |
कविता गजाआडच्या /३५
