गटातून बळ मिळवणाऱ्या कितीतरी जणींना, गावोगावी गट पसरावेत अशी
ओढ लागली. ती प्रगट झाली अशा गाण्यातून ..
बचत गट आपण सुरु करू गं
आया बायांना आपण जाऊन सांगू ग ।
बचत गट आपण सुरू करू गं ।। धृ ।।
आपण साऱ्या मिळून जमू, मिळून सारे नियम करू
असाच व्यवहार कराया आपण शिकू गं ।
बचत गट आपण सुरू करू ग ॥ धृ ॥
एकत्र बसूनी बचत करू, चार चौघींची गरज भागवू ।
हितच बसून आपण हिशोब करू गं ।
बचत गट आपण सुरू करू गं ॥ २ ॥
व्याजाचा दर थोडाच धरू, सावकार मारवाडी माघारी फिरवू ।
हितच आपण वाटप लेखी करू गं।
बचत गट आपण सुरू करू गं ।। ३ ।।
हजाराची फेड दोनशेनं करू, पाच महिन्यात पुरी करू ।
उरावरला भार हलका आपण करू गं ।
बचत गट आपण सुरू करू गं ।। ४ ।।
वीस जणींच्या नावावरी, कर्ज आपण काढूनशानी।
उद्योगधंदा आपण सुरू करू गं।
बचत गट आपण सुरू करू गं ।। ५ ।।
कर्ज आपण वाटून घेऊ, हिशोब त्याचा करुन घेऊ।
शिल्लक किती राहिली आहे सांगू गं।
बचत गट आपण सुरू करू गं ।। ६ ।।
सर शेवटी हिशोब झाला, कागद जमा खर्चाचा झाला ।
कागद काढून निरोप आपण घेऊ गं।
पुढच्या महिन्याला ११ तारखेला येऊ गं ।।७।।
पान:आम्ही बी घडलो तुम्ही बी घडाना (Amhi Bi Ghadalo Tumhi Bi Ghadana).pdf/३०
हे पान प्रमाणित केलेले आहे.
२४ आम्ही बी घडलो ।