श्रीगणेशकवच : संकटनाशन श्रीगणेशस्तोत्र

विकिस्रोत कडून
Jump to navigation Jump to search

<poem> || श्रीगणेशकवच : संकटनाशन श्रीगणेशस्तोत्र || [ १: नमन ] श्रीगणेशाय नम: | श्री गणेशदेवा लालितां || मुनितें म्हणे गौरी माता |अहो | अचपल बाल आतां || कळा याची कळों नेदी || १ || जृंभा, सिंदूर थोर स्थूल || साधु-देव-द्रोही खल || यातें हा आतांचि प्रबळ || चिंता याची व्यापी मातें ||२|| यातें कीं तें व्यापितील || दैत्य दुष्ट बहु कुटिल || दैत्य नाशन हा अवखळ || रक्षिण्यासि या. द्या कवच-थोर || [ २ : ध्यान ] मुनि म्हणे करावें ध्यान || विनायक हा मृगवदन || सत्ययुगीं दिग्बाहु गहन || मयुर-वाहन त्रेतायुगीं ||४|| सिध्दिदाता श्रीगणनाथ || तदा त्यासि सहा हात || व्दापरीं मात्र चार हात || रक्तरंग, अंगकान्ती || ५ || कलियुगीं भुजा दोन || धवलांग हिमाहून || पुरवी सर्व वर देऊन || रक्षितसे हा सर्वकालीं || ६ || || श्री || || गणेश गौरीचा नंदन | सिध्दिबुद्धीचा दाता पूर्ण | आधीं वंदावा गजवदन | मंगलमूर्तीं मोरया || [ ३ : न्यास ] शिखा रक्षूं हा विनायक || पराहूनि पर, परमात्मक || तनु सुरेख, तैंसें मस्तक || उत्कट, थोर, विशाल || ७ || कश्यप रक्षूं ललाटस्थलीं || महोदर राखूं भ्रुकुटिवल्ली, भालचंद्र नयन, युगुलीं, ओष्ट-पल्लव गजास्य || ८ || जिव्हा रक्षूं गजक्रीडन || हनुवटीहि गिरिजानंदन || विनायक रक्षूं वाणी, वचन || विघ्नहंता दन्त माझे || ९ || कान रक्षूं पाशधर्ता || नाक रक्षूं इच्छितें-दाता || मुख रक्षूं गणांचा कर्ता || कंठ माझा गणंजय || १० || स्कंध रक्षूं गजस्कंधन ||गणनाथ ह्र्दयांगण || स्तन-भाग विघ्ननाशन || जठर रक्षूं हेरंब || ११|| पृथ्वीधर रक्षूं पार्श्वभाग || विघ्नहर शुभ, पृष्ठभाग || वक्रतुंड गुप्त, गुह्यांग || सर्वांग रक्षूं महाबल || १२ || गणक्रीड रक्षूं गुडघे जंघा || मंगलमुर्ति उरु-जंघा || घोटे पाय, दैत्यभंगा || एकदंत, रक्षूं, महाबुध्द || १३ || बाहू रक्षीं || त्वरित-वरदायका | हात संरक्षीं आशापूरका || नखें, बोटें अरिनाशका || कमलहस्तका | रक्षीं सर्व || १४ || सर्व अंगें मयूरेश || विश्वव्यापी विश्र्वेश || रक्षीं सदा परमेश || नच वदलो स्थान तेंही || १५ || धूम्रकेतु राखो तें स्व-बलें || भलें मागणें केंले अबले | || नच केंले न जें सुचलें || तेंहि पुरवीं रक्षका | || १६ || [ ४ : दिग्बंध ] समोरोनि देवें आमोदें || मागें राहोनियां प्रमोदें ||पूर्वेकडोनि देवें बुध्दिदें || सिध्दिदें रक्षावी आग्नेयी || १७ || दक्षिणेसि राहो उमासुत ||नैरृतीस गणेशाच्युत || पश्र्चिमेस विघ्नहर्तृ || वायव्येसि शूर्पकर्ण || १८ || उत्तर पाळीं निधिरक्षक || ईशान्येस शिवसुत शिवात्मक || दिनभागीं एकदन्तक || विघ्नहर सायं, रात्रौ ||१९ || रक्षीं पाशांकुशधर || सत्वरजतम-स्मर || राक्षस वेताल असुर || भूतग्रह, वेताल, पिशाचां, हातोनि || २० || ज्ञानधर्म, लज्जालक्ष्मी || कुल,कीर्ति तेंविं गृह्लक्ष्मी || धन, धान्य, तैसा देहचि मी || सोयरे, सखे, पुत्रादिक || २१ || आतां सर्वांयुधधरें देवें || पौत्रादिसारें रक्षावें || मयूर-कपिल-पिंगाक्ष देवें || गुरें-मेंढरें संरक्षावीं || २२ || हत्ती, घोडे, सदा-साक्षी || विकट-मूर्ते | तूंचि संरक्षी || अंतर्यामीं राहोनि दक्षी || रक्षी हेरंब-देवा | तूं || २३ || [ ५ : कवचबंधन ] भूर्जपानीं हें लिहावें || कवच कंठीं मग बांधावे || भय-मुक्त सुबुध्दें व्हावें || यक्ष, राक्षस, पिशाचांहून || २४ || [ ६ : फले ] तिन्हीं संध्या समयांसी || जपतां या कवचासी ||वज्र-तनु-लाभ मानवासी ||निर्भय जावें रणांगणीं || २५ || यात्राकालीं करावें पाठ || विघ्नें जातीं, फलें साठ || युध्दकालीं आठपट || विजय त्वरें पठन देईं || २६ || सातवेळ जप उपायीं || एकवीस दिनांचे ठायीं || मारणोच्चाटनें फलतीं || तींही आकर्ष-स्तंभन, मोहनादिकरण || २७ || एकवीस वेळां जपतां देखा || एकवीस दिनीं कोणी सखा || तुरुंगमुक्त होतसे सुखा || मोचन पावे यमपाशहि || २८ || राज्ञीराजदर्शन-वेळीं || पढावें तीन वेळां सकाळीं || राजसभा, लोकसभा, बळी || जिंकेल पाठक निश्र्चयें || २९ || [ ७ : प्राप्ति ] कश्यपें दिलें हें गणेश कवच || मुद्द्लें मांडव्यास वच || मांडव्य देईं मजसी साच || जय, यश, सिध्दि-दायक || ३० || [ ८ : बंधनें ] भक्तिहीनासि हें न द्यावें || श्रध्दावानचि शुभ पावे || कवचें न होतीं राक्षसासुर-गोवें || वेताल दानव, दैत्यादीचें || ३१ || ऐसें संपूर्ण केलें हें || श्रीगणेशपुराणीं पाहे || गणेश कवच जें गूढ आहे || संस्कृतीं तें प्राकृतीं || ३२ || || श्रीशुभं भवतु ||

<poem>

PD-icon.svg हे साहित्य भारतात तयार झालेले असून ते आता प्रताधिकार मुक्त झाले आहे. भारतीय प्रताधिकार कायदा १९५७ नुसार भारतीय साहित्यिकाच्या मृत्युनंतर ६० वर्षांनी त्याचे साहित्य प्रताधिकारमुक्त होते. त्यानुसार १ जानेवारी १९५६ पूर्वीचे अशा लेखकांचे सर्व साहित्य प्रताधिकारमुक्त होते. Flag of India.svg