या पानाचे मुद्रितशोधन झालेले आहे
निवेदन
डॉ. पु. ग. सहस्रबुद्धे- हे विचारप्रेमी मराठी माणसाला चांगलेच परिचित आहेत. मात्र त्यांच्या साहित्यविषयक तात्त्विक वा आस्वादक लेखनाचा परिचय मराठीच्या सर्व प्राध्यापकांना देखील असेलच असे नाही.
सहस्रबुद्ध्यांच्या समाज चिंतनाइतकाच त्यांच्या साहित्य चिंतनालाही एक कस आहे. हे लक्षात घेऊन, त्यांच्या पंचाहत्तरीच्या निमित्ताने, हे साहित्य चिंतन प्रकाशित करण्याचे ठरविले.
आमची मागणी सहस्रबुद्ध्यांनी तात्काळ आनंदाने मान्य केली. वाचकांनाही आमचे हे प्रकाशन आवडेल अशी आशा आहे.
| वर्ष प्रतिपदा शके १९०२, १७ मार्च, १९८०. |
गो. के. जोगळेकर
प्रकाशक |
