या पानाचे मुद्रितशोधन झालेले आहे
मग अशा वादांत आम्ही काय करावें? निदान मुहंमदांबाबत विचार करतांना इस्लामचें मत ग्राह्य समजावें.
संबंध कुराण वाचून मुहंमदांच्या जीवनचरित्राविषयीं फारशी माहिती उपलब्ध व्हायची नाहीं. कृष्णचरित्राशिवाय भागवत, आणि खिस्तचरित्राशिवाय नवा करार असा हा प्रकार आहे! त्यांतील गोडी लक्षांत घेऊन वाचकानें प्रस्तुत चरित्र विवेकपूर्वक वाचावें.
हिंदु आणि मुसलमान हजार वर्षांपासून भारतांत एकत्र राहत आहेत. तथापि एकमेकांच्या थोर पुरुषांविषयीं आणि धर्मग्रंथांविषयीं एकमेकांना, पुरेशी काय, फारशी माहिती नसते. ती असणें जरूरी आहे. कारण आम्हांला एकत्र नांदायचं आहे. आणि एकत्र नांदून, विविधतेंत एकता कशी राखतां येते, इतकेंच नव्हे, विविधतेनेंच एकता कशी खुलते, हे जगाला दाखवायचे आहे.
या दृष्टीने प्रस्तुत पुस्तक विशेष स्वागतार्ह आहे.
एवढ्या चार शब्दांत, यदुनाथस्तृप्यतु.
ब्रह्मविद्यामंदिर, पवनार
११-१०-६४
११-१०-६४
विनोबाचा जय जगत
८ ।
