नद्यांची भूपाळी

विकिस्रोत कडून
Jump to navigation Jump to search

प्रातःकाळी प्रातःस्नान । घडे केलिया स्मरण ।
महादोषांचे दहन । महिमा गहन पुराणीं ॥ध्रु॥

गंगा यमुना सरस्वती । कृष्णा वेण्या भागीरथी ।
पूर्णा फल्गु भोगावती । रे गौतमी वैतरणी ॥१॥

काळी कालिंदी किंकिणी । कपिलायणी इंद्रायणी ।
नलिणी अर्चिणी धर्मिणी । ताम्रवर्णी नर्मदा ॥२॥

कुंदा वरदा माहेश्वरी । तुंगभद्रा आणि कावेरी ।
घटपाटपती मलप्रहरी । दुरितहरी जाह्नवी ॥३॥

भीमा वरुणा मंदाकिनी । पूर्णपदा पुन्हपुन्ही ।
वज्रा वैष्णवी त्रिवेणी । कुमुदिनी नारदी ॥४॥

मनकर्णिका वेदावती । कुकुद्वती हेमावती ।
सीता प्रयागी मालती । हरिद्वयती गंडिका ॥५॥

सरयू गायत्री समुद्रा । कुरुक्षेत्रा सुवर्णभद्रा ।
दास म्हणे पुण्यक्षेत्रा । नाना नद्या गोविंदीं ॥६॥

PD-icon.svg हे साहित्य भारतात तयार झालेले असून ते आता प्रताधिकार मुक्त झाले आहे. भारतीय प्रताधिकार कायदा १९५७ नुसार भारतीय साहित्यिकाच्या मृत्युनंतर ६० वर्षांनी त्याचे साहित्य प्रताधिकारमुक्त होते. त्यानुसार १ जानेवारी १९५६ पूर्वीचे अशा लेखकांचे सर्व साहित्य प्रताधिकारमुक्त होते. Flag of India.svg