नद्यांची भूपाळी

प्रातःकाळी प्रातःस्नान । घडे केलिया स्मरण ।
महादोषांचे दहन । महिमा गहन पुराणीं ॥ध्रु॥

गंगा यमुना सरस्वती । कृष्णा वेण्या भागीरथी ।
पूर्णा फल्गु भोगावती । रे गौतमी वैतरणी ॥१॥

काळी कालिंदी किंकिणी । कपिलायणी इंद्रायणी ।
नलिणी अर्चिणी धर्मिणी । ताम्रवर्णी नर्मदा ॥२॥

कुंदा वरदा माहेश्वरी । तुंगभद्रा आणि कावेरी ।
घटपाटपती मलप्रहरी । दुरितहरी जाह्नवी ॥३॥

भीमा वरुणा मंदाकिनी । पूर्णपदा पुन्हपुन्ही ।
वज्रा वैष्णवी त्रिवेणी । कुमुदिनी नारदी ॥४॥

मनकर्णिका वेदावती । कुकुद्वती हेमावती ।
सीता प्रयागी मालती । हरिद्वयती गंडिका ॥५॥

सरयू गायत्री समुद्रा । कुरुक्षेत्रा सुवर्णभद्रा ।
दास म्हणे पुण्यक्षेत्रा । नाना नद्या गोविंदीं ॥६॥

हे साहित्य भारतात तयार झालेले असून ते आता प्रताधिकार मुक्त झाले आहे. भारतीय प्रताधिकार कायदा १९५७ नुसार भारतीय साहित्यिकाच्या मृत्युनंतर ६० वर्षांनी त्याचे साहित्य प्रताधिकारमुक्त होते. त्यानुसार १ जानेवारी १९५६ पूर्वीचे अशा लेखकांचे सर्व साहित्य प्रताधिकारमुक्त होते.

बहूतेक या पानावरील मजकूर प्रताधिकारीत आहे, त्यामुळे हे पान हटवण्यात येईल. या पानातील मजकूराच्या प्रताधिकार स्थितीची तपासणी करून त्यानंतर तो ठेवायचा की काढून टाकायचे हे ठरवले जाईल. आपण कोणत्याही पानाच्या चर्चा पानावर त्या त्या मजकूराच्या प्रताधिकार स्थितीबद्दल चर्चा सुरु करु शकता. ती करित असताना आपण इतर सक्रिय सदस्यांना त्यात सामील करून घ्या. स्थानिक किंवा वैश्विक प्रचालक फक्त समुदायाने घेतलेल्या निर्णयाची तांत्रिक अंमलबावणी करतील. हा विकिस्त्रोत प्रकल्प आहे त्यामुळे या प्रकल्पावर फक्त आणि फक्त स्त्रोत असलेलाच मजकूर जो पूर्व प्रकाशित पुस्तकांमधून घेतलेला आहे, आणि पुरावा म्हणून त्या पूर्व प्रकाशित पुस्तकाची प्रत कॉमन्सवर अपलोड करण्यात आलेली आहे. या व्यतिरीक्त इतर सर्व मजकूर पुराव्या अभावी आणि प्रताधिकाराचा भंग होत असल्याच्या कारणाने काढून टाकण्यात येईल.