या पानाचे मुद्रितशोधन झालेले आहे
गंगाजमनी शेला
इघुरल्या पदराला
दांड कितीक घातले
नसीबाचे नऊ गिऱ्हे
माज्या वंटीला बांधले...
लेक जलमाला आली
घोर बापाले लागला
पाच पोरीचा उताडा
बांधू कोनाचे गाठीला ?...
नक्को साळा नक्को पाटी
काय कराचं लिहिनं?
बाया बापड्यांचं माये
चुली म्होरं शानपन !...
गाय दावनीला बरी
हवा मंडप येलीले
मांग...म्होरं नगं पाहू
ठीव नदर भुईले...
तुळसीचं बाळरोप
दुज्या अंगनी रोवलं
मूळ..माती इसरूनी
मंजुळांनी डवरलं
कविता गजाआडच्या /२१
