या पानाचे मुद्रितशोधन झालेले आहे
फारच बरी बातमी
क्लोनिंगची.
मग
कदाचित
एकतिसाच्या शतकात प्रवेशताना
ते सैंधवी चैतन्याचे झाड
थेट माथ्यापर्यंत बुडून गेलेले असेल
मातीत
रामपत्नी सीतामाई सारखे.
...
आणि
मग उद्या
त्या सैंधवी चैतन्य-वृक्षाची बातच नस्से !!
क्लोनिंग किरणांतून उगवत राहतील
कोटीकोटी सूर्यपुत्र
....
मग परवा
कदाचित
एकावन्नाव्या शतकात
धांडोळावे लागेल
'स्त्री-सूक्त'
आणि तेरवा
दगडी प्रकाशाच्या पिरॅमिडसमधून
सापडतील
अक्षरे
अमृता, शहाबानो, ग्रेस किंवा भंवरीबाईच्या
रक्ताने लडबडलेली.
....
कविता गजाआडच्या / ७७
