आ) विशेषनाम किंवा महत्त्वाचा शब्द म्हणून उठाव देण्यासाठी एकेरी अवतरण चिह्न ('....') वापरतात.
उदा.महाभारतातील 'एकलव्य',खांडेकरांनी 'क्रौचवध', 'ययाति' इत्यादी कांदबऱ्या लिहिल्या आहेत.
मोठ्या प्रदीर्घ अवतरणासाठी साधारणपणे अशी दुहेरी व अल्पाक्षर छोट्या रचनांसाठी एकेरी अवतरण देण्याची प्रथा आढळते. मात्र याबाबत नक्की नियम आढळत नाही. मुळात दुहेरी अवतारणाचीच प्रथा आहे. एकेरी अवतरण साधारणपणे एकेका शब्दासाठीच योजिले जाते.
८) संयोग चिह्न (-)
अ) दोन शब्द जोडताना संयोग-चिह्न (-) वापरतात.
उदा. प्रेम-विवाह, ग्राहक-भांडार
आ) एका ओळीत वाक्य लिहितांना शेवटी शब्द अपूर्ण राहिल्यास संयोग (-) हे चिह्न वापरतात. उदा. विद्या-पीठ परीक्षांसाठी केंद्रावर चौकशी करावी. बाहेरगावच्या विद्यार्थ्यांनी वेळापत्रकासाठी महाविद्या-
लयात चौकशी करावी.
९) अपसरण (-)
अ) बोलतांना विचारमालिका तुटल्यास अपसरण (-) हे चिह्न वापरतात. उदा.नाटकातील संवाद : मी सर्व प्रयत्न केले, पण -
आ) काही स्पष्टीकरण द्यावयाचे असल्यास हे अपसरण चिह्न स्पष्टीकरण चिह्न म्हणूनही योजितात. उदा. ती विद्यार्थिनी - जिने प्रथम पारितोषिक मिळविले, ती आपल्या महाविद्यालयात शिकत आहे.
३६...
