या पानाचे मुद्रितशोधन झालेले आहे
उगवाईच्या दारीचा...
उगवाईच्या दारीचा
दिवा बांधून पदरी
पाणी भरल्या डोळ्यांनी
सांज फिरली माघारी...
अंधारल्या बारा वाटा
बुझलेल्या खाणाखुणा
साथ भरल्या ओटीची
आत प्रकाशाची वेणा..
जासवंदी भांगावर
आभाळाचा मोतीचूर
दूर...दूरच्या रानात
थिरकती सोळा मोर...
सोळा मोरांच्या कहाण्या
दशदिशा वाऱ्यावरी
उरी गोंदवून डोळे
सांज फिरली माघारी...
कविता गजाआडच्या /१९
