हे पान प्रमाणित केलेले आहे.
११
त्यांच्या आयुष्यातले सगळे बदल घडून यायला मुख्यत्वाने कारणीभूत काय झालं असं विचारलं असतं तर ज्योती बहुतेक म्हणाली असती पुण्याचा फ्लॅट. त्या फ्लॅटमधे रहायला गेल्यानंतर बऱ्याच दिवसांनी हे नक्की घडलं कसं त्याची संगती लावण्याचा ती प्रयत्न करी.
पहिल्यांदा रामने नुसती आपली एक कल्पना म्हणून तिच्या समोर टाकली.
" पुण्याला जाऊन रहाण्याबद्दल तुझं काय मत आहे ?"
"आपण ?"
" नाहीतर कोण ?"
" कंपनी बंद करायचीय का?"
" गुड गॉड. असलं काहीतरी तुझ्या डोक्यात कुठून आलं "
नाहीतर मग पुण्याला जाण्याचा अर्थ काय? हे सगळं तिथे हलवणं तर शक्य नाही."
११८ : साथ