प्रमाणें, आणि वश करण्यांत व प्रिय बोलण्यांत उर्वशीप्रमाणं निपजेल."
दोन भिन्न पदार्थांत ते एकच आहेत असा जेथें अभेद दाखविला असतो, तेथें रूपक नांवाचा अलंकार होतो. जसें--
"अशा वक्त्याचें भाषण ऐकून ज्याचा मनःसिंधु उचंबळणार नाहीं, असा कोण आहे?"
ह्यांत मन आणि सिंधु हे दोन भिन्न पदार्थ असतां, त्यांचा येथें अभेद दाखविला आहे. आणखी उदाहरण. जसें--
“युनिव्हर्सिटी ही एक क्षेत्रभूमि आहे. हिच्यांत प्रतिवर्षीं जे पदवीधर तयार होतात, ते हिच्यांतील फलवृक्ष होत, व त्यांच्या हातून जे ग्रंथ तयार होतात, ते त्या वृक्षांचीं फळें होत."
ह्यांत युनिव्हर्सिटीचा क्षेत्रभूमीशीं अभेद करून तिच्या इतर पदवीधर व त्यांचे ग्रंथ ह्या अवयवांशींही भूमीच्या वृक्ष व फळें ह्या अवयवांचा अभेद केला आहे. ह्यास सावयवरूपक म्हणतात.
एखाद्या पदार्थावर हें अमुकच आहे, असा तर्क केला असतो तेथे उत्प्रेक्षालंकार होतो. जसें--
१. "ह्या जंगलांत वणवा लागला होता ह्यामुळें धुराच्या अत्यंत मोठ्या धोतासह वणव्याच्या भयंकर ज्वाला
भा० ८
