________________
परीस (कथासंग्रह)
आदित्य जवळकर
प्रकाशन - २०१५
_______________________________
‘टच स्क्रीन' हाच नव्या युगाचा परीस
‘परीस' हे बाल साहित्यिक आदित्य जवळकरचं दुसरं पुस्तक. यापूर्वी या बाललेखकाचं एक पुस्तक प्रकाशित झालं आहे. ‘सोनेरी गुलाब' त्याचं नाव. यात दोन गोष्टी आहेत. एक आहे 'सोनेरी गुलाब'. दुसरी आहे ‘पंधरा कोटींची चोरी'. या दोन्ही गोष्टी बाल वाचकांना आवडल्या. त्यामुळे
आदित्यला हरूप आला. दोन वर्षांनी आता त्यानं नवी गोष्ट लिहिली. ‘परीस’ तिचं नाव. ही तशी मोठी कथा. पहिल्या दोन कथांपेक्षा पस्तीस पानं भरून लिहिलेली ही गोष्ट. ती सुरस, चमत्कारिक आणि साहसी कथा आहे.
गोष्टी सांगणं आणि ऐकणं सर्वांना आवडतं.
गोष्टी ऐकता सगळ्यांना येतात. फारच कमी लोकांना गोष्ट सांगता येते. त्याचंही एक कारण आहे. गोष्ट सांगणं एक कला आहे. ती सान्यांनाच नाही जमत. तसं गोष्टी लिहिण्याचं पण आहे. सगळेच काही गोष्टी नाही लिह शकत. कारण ते एक कौशल्य आहे. ज्यांना छान छान कल्पना सुचतात, ते सुरस गोष्टी लिहू शकतात.
माणूस पूर्वी जंगलात राहायचा. झाडपाला हाच त्याचा पोषाख. तो गुंफेत राहायचा. कंद, मुळे, फळे खाऊन जगायचा. शिकारही करायचा. शिकारीच्या गोष्टी तो शेकोटीस बसून सांगायचा. मग त्यानं त्याच गोष्टींची
