रोमा
ह्या रोमानं माझं कुतूहल जागं केलं होतं
ह्यात काही शंका नव्हती. नेहमीचा साचा
वेगळाच असतो. माझा मुलगा किंवा
मुलगी 'तिकडे' असते असं सांगणाऱ्यानं
त्याबद्दल कितीही आज काल त्यात
काही विशेष नाही असा सूर काढला तरी
त्याच्या आवाजातलं कौतुक लपत नाही.
तुम्ही तिला/त्याला जाऊन भेटा असं
सांगण्यात हेतू दोन असतात.
एक म्हणजे आपल्या मुलाचं परदेशातलं
वैभव इतरांनी बघावं, त्यानं दिपून जावं ही
इच्छा. दुसरा म्हणजे तिथे थाटलेला संसार
हा नवरा किंवा बायकोपासून तो साड्या,
. लोणची-पापडांपर्यन्त इंपोर्टेड
असल्यामुळे येणाऱ्या-जाणाऱ्याचा त्याला
हातभार लागण्याची गरज.
तेव्हा मी रोमला जातेय असं कळल्यावर
आपल्या तिथं असलेल्या भाचीला भेटायला
सांगायला जेव्हा बिवलकर आले तेव्हा मी
'बघेन जमलं तर' असं शक्य तितक्या
निरुत्साहानं म्हटलं. ते म्हणाले, 'कसही
करून वेळ काढा.' स्वर अजीजीचा होता.
जराशा आश्चर्याने मी त्यांच्याकडे पाहिले