या पानाचे मुद्रितशोधन झालेले आहे
नैतिक कर्तव्यांबरोबर जबाबदा-यांची पूर्तता करणे अपेक्षित असायचे. अंतर्विकासाच्या शिक्षणासंदर्भात तर शिक्षकाचं हे रूप अधिक रुंदावणारे आहे. शिक्षकाची ‘गुरुवंदना' करीत राहण्याचा काळ आता संपला आहे. त्याचे सामाजिक लेखापरीक्षण (Social Auditin) व्हायला हवे. समाज बदलायचा तर समाजमनाची ठेवणही बदलायला हवी. एकविसाव्या शतकाचं शिक्षण समृद्ध व्हायचे असेल, तर शिक्षकही ज्ञान, अनुभव, कौशल्याच्या पातळीवर सक्षम व्हायला हवा. झालेल्या शतकाच्या अखेरच्या शिक्षक दिनाचे दुसरे मागणे ते काय असणार?
एकविसाव्या शतकातील शिक्षण/१०२
